Grande-Marlaska decreta o embargo da vivenda familiar do independentista galego Santiago Mendes

Enquanto em Ferrol a Justiça espanhola ameaça com penas de cárcere dous militantes independentistas por agredirem presuntamente o empresário Juan Fernández, no sul do País a ‘Audiencia Nacional’ dita ordem de embargo contra a vivenda familiar do militante galego Santiago Mendes, acusado de dar lume a umha figura de madeira do Chefe do Estado espanhol em 2007. De pano de fundo desta nova intervençom político-judicial, a sacralizaçom da figura do rei espanhol, nomeado sucessor de Francisco Franco a título de rei em 1969 e ratificado polas ‘Cortes’ franquistas após jurar lealdade aos princípios do ‘Movimiento Nacional’. A ordem de embargo que dita o juíz especial Fernando Grande-Marlaska satisfaz assim a exigência imposta polo tribunal de excepçom ao militante galego no sentido de abonar 5000€ em conceito de “fiança”, segundo explicou o processado a este portal. Este ditame contra a única propriedade hipotecada que Mendes tem a seu nome, e na que reside junto à sua companheira e as três filhas, materializa-se após umha investigaçom por parte do tribunal especial à procura de bens propriedade do militante galego sobre os que actuar. Segundo Mendes informou a ceivar.org, a data de juízo ainda nom está fixada e a ordem de embargo impede realizar qualquer transacçom comercial com a propriedade, mas nom supom o desalojamento de Santiago Mendes e da sua família do imóvel. Do organismo popular anti-repressivo queremos manifestar publicamente a nossa solidariedade com o militante galego, denunciar novamente a interferência repressiva dum tribunal político estrangeiro como é a ‘Audiencia Nacional’ no trabalho político e social da militáncia independentista deste País e exigir a fim das intervençons dos tribunais de excepçom. NEM MONARQUIA, NEM CONSTITUIÇOM, INDEPENDÊNCIA PARA A NOSSA NAÇOM!!! AVANTE A SOLIDARIEDADE GALEGA!!! STOP ‘AUDIENCIA NACIONAL’!!!