Pedem prisom para dous independentistas acusados de agredirem o empresário Juan Fernández

O cárcere volve pairar novamente sobre o futuro imediato de militantes galegos. No próximo 22 de Dezembro, a partir das 10:00 h. da manhá, está previsto o processo judicial contra dous independentistas da comarca de Trasancos acusados de agredirem o empresário e ex vice-presidente da câmara municipal de Ferrol, Juan Fernández. Mais umha vez, a utilizaçom dos arquivos políticos da Polícia espanhola parece ter sido decisiva na eleiçom de ‘alvos’ para a presnte intervençom repressiva. Os factos que agora se processam datam de 26 de Setembro de 2004. Na altura, umha mobilizaçom de operários de Izar Fene e Izar Ferrol percorre as ruas da cidade departamental em defesa do emprego no sector naval e contra a privatizaçom da companhia. Umha vez no Paço Municipal, a presença do empresário, e daquela lider de ‘Independientes por Ferrol’, Juan Fernández, é respostada por dezenas de trabalhadores com apupos e lançamento de ovos. Embora ao princípio do processo fôrom sete os trabalhadores imputados por esta contestaçom à presença do dirigente de IF, finalmente apenas dous, A. M. P. e J. M. M., trabalhadores muito conhecidos na comarca de Trasancos pola sua militáncia independentista, serám processados penalmente. A ‘selecçom’ final de processados aponta para a tese do emprego dos ficheiros policiais de militantes e a tentativa de dar um escarmento público aos trabalhadores de Izar nas pessoas dos dous independentistas que irám a juízo no dia 22. Petiçons de cárcere As solicitudes de condena da acusaçom particular seriam suficientes para que, em caso de se aceitarem pola magistratura, supugessem o ingresso no cárcere de A. M. P. e J. M. M. por um delito de “atentado contra cargo público”. Assim, para o primeiro esta acusaçom solicita 5 anos e 6 meses de cárcere, enquanto o Ministério Fiscal demanda dous anos de prisom. Segundo a acusaçom particular, A. M. P. teria escachado um ovo na cabeça do empresário além de propinar-lhe umha punhada no rosto. J. M. M. também é processado por presunta participaçom nos factos e a solicitude da acusaçom particular é no seu caso de 4 anos e 6 meses, enquanto a Fiscalia se inibe. As presentes petiçons fiscais excedem sobradamente o limite legal estabelecido no Estado espanhol para evitar o ingresso em prisom e poderiam supor, caso de se confirmar, o encarceramento de ambos militantes. A gravidade da situaçom, que se produz num contexto de crise sócio-económica em que a cada som mais comuns as respostas policiais e judiciais às exigências da classe trabalhadora galega, é portanto máxima e exige umha contestaçom de solidariedade e mobilizaçom contundente e à altura da agressom que supom este novo processo repressivo. Concentraçom nos Julgados O juízo contra ambos trabalhadores e militantes independentistas de Trasancos celebrará-se nesta segunda-feira 22 de Dezembro nos julgados de Ferrol. De Ceivar, por cima de filiaçons partidárias, chamamos todas as pessoas que leiam esta informaçom a assistirem à concentraçom convocada para as 09:30 h. desse dia por Nós-UP, assim como a dar a máxima difusom à cita por todos os meios possíveis. Se a solidariedade é sempre umha exigência impostergável, entendemos que neste contexto de crise, judicializaçom das luitas e incremento simultáneo da repressom contra a classe trabalhadora galega esta exigência cobra, se cabe, ainda mais vigência e valor. 22 DE DEZEMBRO, TOD@S A FERROL!!! NENGUMHA AGRESSOM SEM RESPOSTA!!! AVANTE A SOLIDARIEDADE GALEGA!!