O próximo sábado 22 de Novembro a partir das 20:30 h. celebrará-se no Local Social Ocupado Casa das Atochas, da Crunha, um concerto de solidariedade com o militante independentista galego Rubém Meixide, detido e processado pola sua presunta agressom a um militar espanhol vinculado à extrema direita na cidade herculina. Os grupos Bitxo Bola, de Trasancos; Arenga, de Eume e Ultraqans, da Crunha, darám corpo ao acto antifascista. O preço das entradas é de 3 euros. Lembramos que Rubém Meixide foi detido no passado 9 de Fevereiro e acusado da agressom recebida por um militar espanhol que colocava colantes do grupo fascista ‘Democracia Nacional’ numha rua da Crunha. A sua detençom e próximo processamento dérom lugar a que o dirigente fascista Ricardo Sáenz de Ynestrillas anunciasse a sua presença na cidade herculina com motivo do juízo “para exercer a acusaçom particular contra esta caterva de aprendizes de borrokas castrados à galega”. Sob a legenda ‘O fascismo combate-se na rua. Tod@s com Meixide!’, a celebraçom deste concerto permitirá recadar fundos para os gastos económicos provocados por este novo processo político-judicial. Após o acto musical, a partir das 23:00 h. celebrará-se no centro social Gomes Gaioso umha festa com gaitas e pandeiretas. CONTRA O FASCISMO, NEM UM PASSO ATRÁS! FORA ESPANHOLISTAS DA GALIZA! SOLIDARIEDADE COM MEIXIDE!