Facilitamos a continuaçom a informaçom básica de que deverám dispor aquelas pessoas que participem na mobilizaçom de solidariedade com @s três militantes independentistas galeg@s que nos dias 3, 4 e 5 serám processad@s nos tribunais de excepçom. Como já informamos, a participaçom nesta mobilizaçom fará-se por meio de dous autocarros que se deslocarám a Madrid na noite do domingo 2 de Novembro. A viagem de ida e volta será gratuita para todas as pessoas que participem. Ceivar solicitará achegas àqueles solidários e solidárias que se encontrem em disposiçom de contribuir ao importante esforço económico que implica a viagem. PONTOS DE SAÍDA, HORÁRIOS E PARAGENS O autocarro do norte, fretado para aquelas pessoas que morem nas ‘provincias’ de A Crunha e Lugo, saírá do Paço Municipal de Riaçor às 21:00 h. de domingo 2 de Novembro. As suas próximas paragens serám em Compostela e Lugo. Na capital galega, o ponto de recolhida d@s viageir@s é a Praça da Galiza às 22:30. Em Lugo, o autocarro recolherá @s solidári@s diante da Escola de Magistério às 00:00 h. da segunda-feira 3 de Novembro. O autocarro do sul, fretado para aquelas pessoas que morem nas ‘provincias’ de Ponte Vedra e Ourense, sairá da Praça do Couto (Pça. dos Cavalos ou “Plaza de España”, segundo a denominaçom franquista) em Vigo às 22:00 h., fazendo a seguinte paragem diante da estaçom de autocarros de Ourense às 23:30 h. No caso de haver grupos de solidári@s em pontos à margem dos citados e que se encontrem no trajecto da viagem, a organizaçom estimará a possibilidade de fixar jos_content paragens antes da saída da Galiza. MÁXIMA PONTUALIDADE Prega-se em todos os casos a MÁXIMA PONTUALIDADE. As amplas margens de tempo marcadas para a chegada a Madrid devem-se à alta possibilidade de que se produzam retençons policiais para a identificaçom dos viageiros como as acontecidas nesta semana com independentistas cataláns deslocad@s a Madrid. Aliás, estám as paragens preceptivas para descanso dos condutores, possíveis atoramentos do tránsito na entrada a Madrid, névoa, incidências, etc. A organizaçom da viagem priorizou por cima de qualquer outro critério garantir a presença solidária em Madrid ao início dos processos políticos. TELEFONES DE CONTACTO PARA ANOTAR-SE À VIAGEM As pessoas que fagam a viagem no autocarro do norte deverám reservar a sua vaga para a viagem no número 678 905 375 (Rubém Meixide). As pessoas que fagam a viagem no autocarro do sul deverám reservar a sua vaga para a viagem no número 607 930 324 (Óscar Gomes). Roga-se a tod@s @s solidári@s que se desloquem a Madrid que comuniquem com antelaçom suficiente a sua presença nestes telefones, evitando deixar as reservas de vagas para última hora. VIAGEM GRATUITA E PETIÇOM DE ACHEGAS A viagem de ida e volta a Madrid é gratuita para tod@s @s participantes e estará financiada na íntegra polo organismo popular anti-repressivo para facilitar umha assistência importante da solidariedade galega a Madrid. Contodo, de Ceivar convidamos a que aquelas pessoas que disponham de recursos contribuam para este esforço económico com as suas achegas. RECOMENDAÇONS BILHETE DE IDENTIDADE. É importante que absolutamente todas as pessoas que participem na mobilizaçom a Madrid levem o seu bilhete de identidade ou algum outro documento legal acreditativo da sua identidade. As FSE demandarám provavelmente a identificaçom de tod@s @s solidári@s nalgum ponto da viagem ou em Madrid, razom pola que a falta de documentaçom pode ser motivo para retençons e retraso da chegada dos autocarros à capital de Espanha. ALIMENTAÇOM. Recomendamos ceiar previamente a sobir aos autocarros. Em qualquer caso, as pessoas que participem na viagem podem levar os seus próprios alimentos. Os autocarros farám umha paragem nalgum ponto ainda nom fixado do trajecto para o descanso de condutores, tomar café, serviços, etc. CARREGADORES DE TELEMÓVEL. As pessoas que tenham previsto ficar em Madrid durante vários dias e tenham responsabilidades na organizaçom da mobilizaçom devem levar os carregadores dos telemóveis. ABRIGO. Dada a possibilidade de baixas temperaturas e chuvascos durante os dias 2 e 3, recomenda-se a tod@s @s solidári@s levar roupa de abrigo, guarda-chuvas, etc. SACOS DE DURMIR. Aquelas pessoas que tenham previsto ficar em Madrid deverám levar cadanseu saco de durmir, à espera de como se concrete finalmente a questom das pernoctaçons. ACTIVIDADES A DESENVOLVER EM MADRID 1. Rolda de imprensa para os meios galegos e estatais. Celebrará-se na sexta-feira 31 de Outubro a cárrego de militantes de Ceivar e familiares d@s pres@s independentistas processad@s na ‘Audiencia Nacional’. Confirmaremos em breve lugar e hora do acto. 2. Palestra informativa. Sábado 1 de Novembro. Confirmará-se em breve lugar e hora do acto. 3. Assistência à sala de vistas durante os juízos. A possibilidade de que o público assista às vistas é decidida polo juíz ao início do processo. Contodo, esta assistência será muito restrita. O organismo popular anti-repressivo será quem organize a listagem de presentes. 4. CONCENTRAÇOM EM MADRID. A maioria das pessoas deslocadas a Madrid que nom assistam à primeira vista do dia 3 concentrarám-se num lugar ainda por concretar. REGRESSO À GALIZA A volta à Galiza fará-se no próprio dia 3 de Novembro, provavelmente a primeira hora da tarde, depois de se celebrar a primeira vista do juízo contra Ugio Caamanho e Giana Gomes. Os autocarros chegarám ao País com tempo suficiente para que todas aquelas pessoas que se devam reincorporar aos seus postos de trabalho na terça-feira 4 de Novembro podam faze-lo com tempo suficiente para descansar. ESTÁNCIA EM MADRID O organismo popular anti-repressivo está a concertar um lugar para pernoctar de graça num centro social madrileno para aquelas pessoas que fiquem em Madrid nos dias 3, 4 e 5 de Novembro. Está-se a estudar também a possibilidade de contratar as comidas diárias a preços módicos em outro centro social da CAM.