Arrinca umha dinámica nacional de solidariedade com os independentistas processados nos tribunais de excepçom

A partir da semana que hoje entra e no prazo das três que virám até 3 de Novembro, o organismo popular anti-repressivo Ceivar desenvolverá umha série de iniciativas tendentes a socializar a existência dum juízo político na ‘Audiencia Nacional’ de Espanha contra dous independentistas galeg@s, assim como mobilizar a solidariedade galega até as salas do tribunal político de excepçom. Deste sítio web, que renovaremos proximamente, informará-se detalhadamente das datas, horas e lugares das dinámicas a por em andamento, assim como de todos os aspectos da mobilizaçom a realizar a Madrid nos dias 3 e 4 de Novembro. A dinámica de contestaçom nacional ao julgamento das patriotas galegas Giana Gomes e Ugio Caamanho pivotará sobre assembleias locais abertas de solidári@s e um programa geral de acçom que, definido da Mesa Nacional de Ceivar, dará a necessária dimensom social e política ao juízo que a ‘Audiencia Nacional’ datou para os citados dias. A grandes linhas, esta iniciativa nacional visa desenvolver um intenso trabalho informativo para denunciar ante a sociedade galega e tentativa de apresentar @s processad@s como “terroristas”, velar a sua condiçom de militantes em favor da liberaçom nacional e social da Galiza submetendo-@s a elevadíssimas condenas de prisom e exigir a liberdade de ambos patriotas. Assembleias locais abertas A dinámica iniciará-se nesta semana que hoje começa com a convocatória nas principais cidades e vilas do País de assembleias informativas abertas, que serám quem impulsionem esta campanha nacional. O nome com que se baptizou por parte de Ceivar a iniciativa –’Dó de Peito’- é avondo expressivo da dimensom que, do trabalho anti-repressivo, pretendemos dar à resposta frente ao processo de Madrid. Assim, os nossos objectivos centram-se a partir de agora particularmente em levar ao conhecimento de amplos sectores populares o perfil real d@s processad@s e da sua luita, assim como desvelar a condiçom deste tribunal especial espanhol carente de garantias jurídicas que, significativamente, substituiu o franquista ‘Tribunal de Orden Público’ imediatamente após a sua disoluçom em 1977. À espera de confirmarmos datas, horas e lugares da celebraçom destas assembleias, que aparecerám neste web, e da conceiçom genérica de que o presente processo repressivo é um ataque político contra o independentismo galego, assim como um processo de exemplarizaçom punitiva, chamamos a todas aquelas pessoas solidárias, democratas e, particularmente, à militáncia e organismos do Movimento de Liberaçom Nacional Galego a se implicar activamente achegando braços, recursos económicos e ideias para os 21 dias que restam até o começo do juízo político de Giana Gomes e Ugio Caamanho. ‘Cundas’ e visitas Nos próximos dias, Giana Gomes e Ugio Caamaho serám provavelmente dispersados mais umha vez para centros penitenciários próximos da Comunidade Autónoma de Madrid, de se seguir o procedimento habitual na posta a disposiçom judicial de militantes políticos. As ‘cundas’, que se anunciam para os próximos dias, poderiam significar a suspensom temporal das listagens de visitas e vises, assim como interferências no correio. Por estas razons rogamos àquelas pessoas que estám integradas nas listagens de visita ou se carteiam com amb@s independentistas liguem para as pessoas de referência a fim de conhecer a situaçom exacta.