Fixada a vista na ‘Audiencia Nacional’ contra @s militantes independentistas galeg@s Giana Gomes e Ugio Caamanho para os dias 3 e 4 de Novembro, de Ceivar fazemos um chamado urgente e maciço à solidariedade económica com este organismo que nos permita desenvolver nas melhores condiçons possíveis umha resposta ampla a nível nacional contra o processo aberto nos tribunais espanhóis de excepçom. Solicitamos de todas aquelas pessoas e organizaçons sociais e políticas que estejam em condiçons de faze-lo umha injecçom de recursos económicos que permita respostar, como povo e como independentistas, ao processamento de umha e um patriota galegos. A conta a que se podem destinar todas aquelas colaboraçons económicas solidárias disponíveis é a 2091 0395 21 3040001337. O conjunto dos ingressos recadados destinarám-se tanto à defesa jurídica de amb@s patriotas galeg@s quanto a umha intensa campanha de socializaçom em todo o País do significado político e repressivo do processo que se inicia no próximo dia 3 de Novembro. Contrataçom de advogados, deslocamentos a Madrid, fretagem de autocarros solidários à capital espanhola, ediçom maciça de material informativo, cartazaria, telefone, etc. som conceitos genéricos que podem dar umha ideia superficial do repto económico que desde o trabalho anti-repressivo se enfrentará nas próximas semanas após o anúncio do processamento de Giana Gomes e Ugio Caamanho. Queremos, além de apelar à solidariedade económica, vincar politicamente na importáncia de encerrar fileiras frente os tribunais de excepçom, num momento em que umha e um amante desta naçom estám a ponto de ser condenados a largas condenas de prisom por respostar à Espanha com as mesmas moedas com que esta aplica e aprofunda dia a dia umha opressom nacional e social histórica. É o momento de que a solidariedade se materialize e passe das palavras para os factos concretos. Qualquer galega ou galego que se sente nas salas do tribunal político especial por luitar pola soberania e a independência da Galiza deve saber, desde agora, que contará com o arroupamento e o calor do mais consciente desta naçom. AVANTE A SOLIDARIEDADE GALEGA! LIBERDADE PATRIOTAS GALEGAS E GALEGOS! A LUITA É O ÚNICO CAMINHO! STOP ‘AUDIENCIA NACIONAL’!