Publicamos o vídeo da ‘I Cadeia Humana pola Liberdade dos Presos Políticos Galegos’ editado polo colectivo [GzVídeos]

Oferecemos aos nossos leitores e leitoras o trabalho audiovisual editado polo colectivo GzVídeos sobre a ‘I Cadeia Humana pola Liberdade dos Presos e Presas Políticas Galegas’. Trata-se dum documento que reflite o decurso da mobilizaçom pola repatriaçom e a liberdade dos presos e presas políticas galegas celebrado no passado 26 de Julho na capital. As imagens valem neste caso mais do que mil palavras. Apenas utilizar estas últimas para agradecer profundamente a GzVídeos e gzi/jos_content o excelente trabalho desenvolvido e a possibilidade de que milhares de galegos e galegas ‘olhem’ esta iniciativa anti-repressiva de Ceivar. Pode-se aceder ao vídeo através do linque que anexamos ao pé desta informaçom. O documento apresenta a cadeia humana organizada na Praça da Galiza, o decurso da mobilizaçom na zona velha –ameaçada em todo momento pola intervençom policial- e a comunicaçom final lida polo companheiro Óscar Gomes na Praça do Toral aos e às participantes no acto anti-repressivo. Esta comunicaçom pode-se ler na íntegra na notícia publicada neste portal. Finalmente, queremos refletir em alto sobre a radical importáncia que possúi nesta conjuntura o trabalho informativo de agências como gzi/jos_content e GzVídeos como ferramentas para a construçom dumha memória colectiva e contra a invisibilizaçom e a manipulaçom informativa a que estamos submetid@s dezenas de milhares de galeg@s polo facto de associarmo-nos, trabalharmos e militarmos nesta faixa do tecido organizativo nacional que nom se subordina aos ditados institucionais nem responde às directrizes dos poderes económicos. Vaia para est@s activistas o nosso mais sincero agradecimento e reconhecimento a esse labor desenvolvido contra a corrente.