Nengumha agressom deve ficar sem resposta. Os quatro pres@s independentistas galeg@s farám um novo jejum de 24 h. para denunciar a agressom de que foi objecto o militante galego Sánti Vigo no passado 22 de Julho. A iniciativa colectiva vem contestar a estratégia que a direcçom de Aranjuez está a aplicar ao preso independentista galego, consistente numha acossa e umha violência sistemáticas que visam desequilibrar o preso político galego e construir um perfil de ‘preso conflitivo’ que permita aplicar no futuro medidas repressivas ainda mais duras. Pode-se consultar toda a informaçom referida à agressom sofrida por Sánti Vigo no 22 de Julho no linque que aparece ao pé desta informaçom. Acompanhando a iniciativa d@s pres@s independentistas em Puerto de Santa María, Brieva e Aranjuez, voluntári@s e militantes do organismo popular anti-repressivo transmitiremos à sociedade galega por múltiplas vias a situaçom de violência continuada e excepcionalidade repressiva que se está a produzir em Aranjuez e que fai parte dumha estratégia repressiva mais ampla que se está a aplicar aos quatro pres@s independentistas galeg@s nos últimos meses. Animamos todas as pessoas e associaçons interessadas em participar activamente nesta resposta simultánea à luita d@s militantes encarcerad@s a contactar com os respectivos comités comarcais de Ceivar. O combate deste agravamento repressivo nos cárceres, de que temos conhecimento afecta também outros presos e presas políticas galegas, só pode ser efectivo se combina a iniciativa d@s pres@s com a resposta forte de denúncia no País. NOM SOM TERRORISTAS, SOM INDEPENDENTISTAS! LIBERDADE PATRIOTAS GALEG@S! NOM À DISPERSOM!