Dando continuidade a umha prática iniciada em 2003, militantes e voluntári@s do organismo popular anti-repressivo apostamo-nos neste Dia da Pátria num lugar de máxima visibilidade da Praça da Galiza para comunicar directamente com os milhares de galegos e galegas que assistem às manifestaçons de 25 de Julho. Neste 2008, após celebrar umha cadeia humana na tarde anterior, centramos o conteúdo da nossa mensagem na responsabilidade política do PSOE no incremento da repressom que se está a produzir. Militantes e voluntári@s de Ceivar portamos umha faixa em que com a legenda ‘rePreSsOrEs’ e os rostos de Manuel Ameijeiras Vales, José Luís Rodriguez Zapatero, Emilio Pérez Touriño e Alfredo Pérez Rubalcaba, respectivamente, ‘Delegado del Gobierno de España’ na CAG, presidente do Executivo espanhol, presidente da administraçom autonómica e ‘Ministro de Interior’, se concretavam alguns dos principais responsáveis do in crescendo repressivo que se está a produzir nos cárceres, mas também na repressom social e política quotidiana. A comunicaçom de Ceivar foi contestada positivamente por parte de sectores nacionalistas que participárom na mobilizaçom que partia às 12 da manhá da Alameda de Compostela, com gritos de ‘Presos à rua, a luita continua!’ e ‘PSOE, PP, a mesma merda é!’. Do mesmo modo, as 2500 pessoas que -segundo a contagem da ‘Agencia Efe’- participárom na mobilizaçom da Causa Galiza exigírom a liberdade d@s pres@s independentistas e a retirada das forças de ocupaçom do nosso território.