Manifestaçom convocada pola Causa Galiza estivo submetida a um amplo dispositivo policial

Neste caso, sem incidentes dignos de resenhar, mas a mobilizaçom que convocava neste Dia da Pátria 2008 a plataforma cidadá pola autodeterminaçom Causa Galiza também se viu submetida a um discreto dispositivo policial. Várias carrinhas da Polícia espanhola encontravam-se apostadas em pontos próximos do percorrido a realizar pol@s nacionalistas. Aliás, dous veículos policiais encerravam a cauda da manifestaçom soberanista onde se denunciou mais umha vez a repressom e se exigiu a liberdade d@s pres@s independentistas e a retirada das FSE do nosso território. A ‘Delegación del Gobierno de España’ na CAG fijo ostensível a sua mao em todos os actos deste Dia da Pátria 2008. Assi, para além das condiçons de estado de sítio e suspensom total de direitos sob as que se tivérom que desenvolver as manifestaçons da mocidade independentista, a presença policial também se fazia notória na manhá do 25 de Julho, quando a mobilizaçom convocada pola Causa Galiza descorria polas ruas de Compostela. Segundo informaçons fiáveis recebidas neste portal, várias carrinhas policiais encontravam-se apostadas em pontos próximos do percorrido da manifestaçom autodeterminista à espera dumha eventual intervençom. Apontar também, dentro deste clima de pressom policial em que se desenvolvérom as reivindicaçons soberanistas neste Dia da Pátria, que a diferença de 2007 duas carrinhas policiais de ‘antidistúrbios’ seguírom de perto o decurso da mobilizaçom. Ao remate da mesma na Praça do Toral escuitárom-se as tradicionais palavras-de-ordem ‘Fora as forças de ocupaçom!’, ‘Nom estamos tod@s, faltam os pres@s!’, etc. enquanto um grupo de encarapuçados dava lume a umha bandeira espanhola.