Na madrugada dum dia como hoje, há sete meses, eram detidos pola ‘Guardia Civil’ espanhola na vila de Portozinho os militantes independentistas galegos José Manuel Sanches Gorgas e Sánti Vigo Domingues. À detençom, seguiam-lhe os assaltos policiais e registos de domicílios, a incomunicaçom sob legislaçom antiterrorista, umha intensa campanha de criminalizaçom mediática e a dispersom de ambos militantes à prisom espanhola de Alcalá-Meco, mas também, como é norma, a solidariedade e a mobilizaçom em diversas localidades do País. Sánti Vigo e José Manuel Sanches fôrom objecto durante este período de privaçom de liberdade sem juízo –aplicando a prisom preventiva-, dispersom ilegal, agressons por parte de presos sociais com a toleráncia da direcçom da prisom de Alcalá-Meco, recurte de múltiplos direitos penitenciários e, incluso, duas malheiras na pessoa de Sánti Vigo das que, além das iniciativas jurídicas e de mobilizaçom postas em curso por parte de Ceivar, se interessárom organismos internacionais como a Comissom para a Prevençom da Tortura e Amnistia Internacional. De Ceivar, além de recordarmos a continuidade destes sequestros após 213 dias, chamamos a redobrar os esforços colectivos para denunciar o regime de dispersom penitenciária e prisom preventiva e exigir a liberdade de todos os e as patriotas presas por defender este País. Publicamos na ligaçom inferior um texto editado no seu dia com motivo das detençons de José Manuel Sanches e Sánti Vigo, assi como os dígitos 42, 41 e 40 em que se pode aceder à informaçom sobre os acontecimentos posteriores a 14 de Dezembro de 2007. Os actuais destinos penitenciários de ambos presos independentistas som: SANTIAGO VIGO DOMÍNGUEZ Centro Penitenciario Madrid VI Crtra. Nacional 400 km. 28 28300-Aranjuez (Madrid) ESPANHA JOSÉ MANUEL SÁNCHEZ GORGAS Centro Penitenciario Madrid VI Crtra. Nacional 400 km. 28 28300-Aranjuez (Madrid) ESPANHA