Ceivar organiza umha cadeia humana no 24 de Julho para denunciar a repressom contra os presos independentistas galegos

Colocar na agenda anual do Dia da Pátria a existência de independentistas galeg@s que cumprem condenas de prisom pola sua militáncia é um objectivo perseguido por Ceivar desde o dia do ingresso em prisom de Giana Gomes e Ugio Caamanho em 2005. Assi, militantes e voluntári@s do organismo popular anti-repressivo colocamo-nos cada 25 de Julho na Praça da Galiza para denunciar ante as bases sociais soberanistas a dispersom carcerária, a tortura e a permanência no cárcere de militantes galeg@s como máxima expressom da repressom. Neste ano, umha nova iniciativa somará-se a esta linha de trabalho: umha Cadeia Humana a celebrar na véspera do Dia da Pátria. A Cadeia Humana enquadra-se no objectivo permanente de vitalizar a denúncia da dispersom penitenciária e da tortura em todas as suas dimensons e, aliás, de exigir a liberdade para @s pres@s polític@s galeg@s. Esta mobilizaçom está programada para as 19:30 h. da véspera do Dia da Pátria na Praça da Galiza de Compostela e consistirá na realizaçom de quatro cadeias humanas estáticas nos respectivos lados do quadrilátero. O organismo popular anti-repressivo distribuirá entre as pessoas assistentes cartazes individuais contra a dispersom, a tortura e a política repressiva do PsoE e em reivindicaçom da liberdade para @s pres@s polític@s galeg@s Além do esforço informativo que Ceivar desenvolverá nos próximos dias, alentamos a leitores e leitoras, voluntárias e voluntários, assi como a todas aquelas pessoas, colectivos e associaçons sensibilizados a respeito destas exigências democráticas básicas a assistirdes à mobilizaçom programada para a véspera deste Dia da Pátria de 2008. TOD@S À CADEIA HUMANA NO 24 DE JULHO! LIBERDADE PRES@S INDEPENDENTISTAS! DEFENDER A TERRA NOM É DELITO! LIBERDADE PARA TOD@S @S PRES@S POLÍTIC@S GALEG@S!