Informamos que, dentro da escalada repressiva que se está a produzir contra os presos e presas políticas galegas, com umha agressom e proliferaçom de recurtes de direitos básicos, a direcçom da prisom de Aranjuez está a devolver para os seus remitentes as cartas enviadas aos presos independentistas galegos José Manuel Sanches e Sánti Vigo. A explicaçom dada pola direcçom do cárcere madrileno é que os remites das cartas aparecem incompletos. Contodo, a escusa empregue é, mais umha vez, fitícia, e delata a intençom última da direcçom da prisom, que nom é outra que dificultar e, se puder, impedir a comunicaçom dos presos com o exterior: embora a prisom se arrogar o direito a intervir, revisar e fotocopiar a correspondência postal de ambos presos políticos galegos, nom pode rechaçar a receiçom da mesma em base aos argumentos citados. O caso será posto em maos do Juíz de Vigiláncia Penitenciária para que conheça a situaçom e se arbitrem as medidas necessárias para a sua correcçom. Enquanto, chamamos novamente a reforçar o compromisso pessoal e colectivo a respeito da correspondência postal com os presos e a presa independentistas galegos. Os destinos penitenciários d@s quatro figuram de forma permanente e actualizada no écram de início do nosso portal.