Onze vizinhos de Trasancos fôrom citados a declarar por rechaçar a presença de ‘Galicia Bilingüe’ na sua comarca

A organizaçom espanholista radical ‘Galicia Bilingüe’ continua a deixar um rasto de identificaçons policiais, sançons administrativas das ‘Subdelegaciones del Gobierno de España’ e processsamentos judiciais por onde passa. Ao tempo, envolve-se num vitimismo hipócrita e apresenta-se como “valedora de direitos civis”. Onze vizinhas e vizinhos da comarca de Trasancos som agora citadas a declarar por supostos “danos” no autocarro de GB que no passado Fevereiro fazia agitaçom política em favor da erradicaçom do galego dos ámbitos institucionais da CAG. As pessoas citadas fôrom identificadas por efectivos da Polícia espanhola quando na altura exprimiam publicamente a sua rejeiçom à presença de ‘Galicia Bilingüe’ em Narom. Recordamos que a organizaçom ultra conta com o apoio público e explícito de PP, ‘Unión Progreso y Democracia’ e, por activa e por passiva, de importantes sectores do PSOE na Galiza e que, recentemente, a sua presidenta Gloria Lago apelava à ‘Guardia Civil’ e a Polícia espanholas a se fazer cárrego dos sectores sociais e políticos que sustentam o protesto contra GB. @s imputad@s declararám ao largo do mês de Julho por realizarem, supostamente, pintagen em favor da língua galega na viatura de GB. De Ceivar queremos denunciar que, além de utilizar GB como ariete dum espanholismo a cara descuberta, as ‘Subdelegaciones del Gobierno de España’ na Galiza administrativa estám a servir-se do colectivo ultra que preside Gloria Lago para desenvolver umha campanha repressiva a nível económico e judicial contra a militáncia e o tecido sócio-político do nacionalismo soberanista. ‘Galicia Bilingüe’, fora da Galiza! STOP REPRESSOM ESPANHOLA!