“Polo indulto dos tres do Eixo. Oito meses de espera. ¡¡Xa está ben!!” é a legenda dos cartazes que nos últimos dias invadem bairros e paróquias da capital galega para exigir a liberdade de Simón Márquez, Xosé Moreira e Xesús Montoiro, os três acusados e condenados por agredir um antidistúrbios espanhol quando este participava em Julho de 1998 numha carga policial indiscriminada contra vizinhos da paróquia do Eixo. Após oito meses no macrocárcere da Paradela (Teixeiro) a vizinhança solidária sairá mais umha vez à rua para exigir ao ‘Consejo de Ministros’ a liberdade dos seus presos através do indulto governamental. Oito meses de espera é o tempo decorrido desde que umha mobilizaçom vizinhal multitudinária acompanhava os três luitadores pola segurança viária à prisom espanhola de Teixeiro. Neste período, apesar das declaraçons de diversos profissionais da política no sentido de que os presos sairiam para a rua, os três vizinhos continuam privados de liberdade. A nova mobilizaçom para exigir a sua excarceraçom ao Executivo de Rodríguez Zapatero está convocada para esta sexta-feira 20 de Junho na Praça do Toral de Compostela a partir das 21:00 h. e consistirá numha potada popular à que os vizinhos e vizinhas do Eixo chamam a participar maciçamente. LIBERDADE PARA OS TRÊS DO EIXO! STOP À REPRESSOM DO PROTESTO SOCIAL!