Comissom de Denúncia da Galiza organiza várias palestras com motivo do ‘Dia Internacional contra a Tortura’

A escassos semanas de que a ONG ‘Amnesty International’ publique informes relativos ao Estado espanhol que demonstram a vigência da tortura e o amparo institucional com que conta, e a poucos dias que o preso independentista galego Santiago Vigo fosse espancado brutalmente por vários carcereiros de Aranjuez, a Comissom de Denúncia da Galiza anuncia um programa de palestras em várias cidades do País para assinalar a persistência desta prática que lixa todas as forças repressivas do Estado e algumhas das suas instituiçons mais emblemáticas. Os actos celebrarám-se segundo o calendário exposto a continuaçom e neles participarám activistas da associaçom PreSOS Galiza e o advogado de pres@s polític@s basc@s Joseba Agudo. O programa é o que segue: 24 de Junho 21:00 h Casa Encantada (Rua Betanços, 35) Compostela 25 de Junho 20:30 h. Cova dos Ratos (Rua Romil, 3) Vigo 26 de Junho 21:00 h. Café Trampitám (Praça Maior) Ourense Animamos a leitoras e leitores a difundir esta convocatória e participar na mesma desde o convencimento de que só a informaçom, a denúncia constante e a mobilizaçom social podem colocar entraves significativos a esta prática estatal que AI denunciava recentemente como “constante e estendida em todo o território” e sobre a que o próprio presidente espanhol, Rodriguez Zapatero, reconhecia em 10 de Novembro de 2006 que Espanha nom abole o regime de detençom incomunicada que favorece e ampara a aplicaçom da tortura, como exigem diversas instáncias internacionais, porque “é um aval de segurança na luita anti-terrorista”.