Os centros nerviosos da repressom nom descansam à hora de pensar novos metodos e estratégias repressivas. A última medida acordada polo ‘Ministerio de Interior’ espanhol contra os dous presos independentistas dispersados à prisom de Aranjuez (700 km.) foi passar os vis-a-vis que mantenhem com as suas famílias para dias laboráveis impedindo assi que estas visitas de larga duraçom se podam realizar em fim-de-semana. Que a intencionalidade da medida é estender a repressom ao contorno familiar directo de José Manuel Sanches Gorgas e Santiago Vigo Domingues é evidente, umha vez que força @s familiares de ambos presos políticos a solicitar dias livres no trabalho para visitá-los e agrava os custos económicos derivados da dispersom ilegal dos presos decidida polo Executivo espanhol. Perversidade repressiva De Ceivar pujo-se a decisom adoptada polas autoridades espanholas em maos de advogados do organismo, de modo que se estudem as iniciativas legais precisas para impugnar esta nova medida repressiva. Além do que resulta notório, que é a aposta espanhola de alcançar com a repressom quem nom cometérom outro “delito” que ser familiares, amig@s e companheir@s de combatentes galegos, esta nova medida punitiva do departamento que preside Pérez Rubalcaba delata a perversidade de que é capaz o PSOE na sua tentativa de estrangular as comunicaçons com o exterior d@s pres@s independentistas galeg@s. Frente a esta nova agressom de quem se autoproclamam democratas e tolerantes contra os direitos mais elementares dum ser humano, do organismo popular anti-repressivo apelamos mais umha vez à militáncia independentista, à base social do nacionalismo e a todos os e as democratas verdadeiras a adoptar compromissos individualizados e estáveis para fortalecer a comunicaçom entre pres@s independentistas e a dinámica social e política nacional. Compromissos pessoais Reiteramos mais umha vez a nossa proposta de que este compromisso individualizado e estável no tempo se concreta na correspondência postal com @s pres@s independentistas, na participaçom nas listagens trimestrais ou semestrais de visitas nas prisons e no contributo económico à caixa do organismo popular anti-repressivo desde a certeza de que todos os fundos obtidos por esta via se destinam a fazer frente à repressom e, particularmente, à de aquel@s que a enfrentam de modo mais grave e directo como som @s patriotas pres@s e dispersad@s nos centros penitenciários de Espanha. Anexamos a continuaçom os actuais destinos penitenciários d@s quatro independentistas galeg@s encarcerad@s e dispersad@s nesta altura e o correio nacional de Ceivar que, para além do contacto directo com os distintos comités comarcais do organismo, é umha outra via para implicar-se na cobertura das visitas semanais de 45 minutos nas prisons. SANTIAGO VIGO DOMÍNGUEZ Centro Penitenciario Madrid VI Crtra. Nacional 400 km. 28 28300-Aranjuez (Madrid) ESPANHA JOSÉ MANUEL SÁNCHEZ GORGAS Centro Penitenciario Madrid VI Crtra. Nacional 400 km. 28 28300-Aranjuez (Madrid) ESPANHA GIANA RODRIGUES GOMES Modulo Verde Apartado 206 Centro penitenciário de Brieva Ctra. De Vicolozano 05194 Brieva (Ávila) ESPANHA UGIO CAAMANHO SAM-TISSO Prisión de Puerto de Santa Maria I Apartado de correos 555 Ctra. Jerez-Rota km. 6.4 11500 Puerto de Santa Maria (Cádiz) ESPANHA O correio nacional de contato de Ceivar é ceivar@ceivar.org. A conta nacional do organismo está no número 2091 0395 21 3040001337