Um novo caso de repressom policial e judicial desenvolve-se neste momento na capital galega. O activista da associaçom PreSOS Francisco del Buey ‘Fram’ irá a juízo nesta segunda-feira acusado por denunciar o mal-trato dado a um vizinho por parte de vários polícias municipais. O processo celebrará-se a partir das 10:00 h. da manhá nos julgados da capital galega. Com motivo do novo julgamento, que tem no seu cerne a utilizaçom da violência por parte dos efectivos da Polícia Local compostelana, convocou-se umha mobilizaçom de solidariedade com o activista processado. Pode-se alargar informaçom sobre este novo caso de repressom policial individualizada no linque do portal Indymedia Galiza que anexamos ao pé desta notícia. De Ceivar alentamos os leitores e leitoras deste portal a dar toda a difusom possível a esta informaçom e a participar na concentraçom que se realizará nesta segunda-feira nos julgados para exprimir a solidariedade a quem, se por algo se tem destacado, é por um compromisso firme e duradeiro na denúncia da repressom carcerária e a defesa dos direitos das pessoas presas.