Neste passado sábado, 45 pessoas assistiam à ceia de solidariedade com @s pres@s independentistas galeg@s celebrada no centro social O Pichel. O encontro de pessoas que, de distintos ámbitos políticos e sociais nacionalistas, participárom no acto serviu como posta ao dia da situaçom dos presos e a presa independentista galega actualmente dispersados nos cárceres de Aranjuez (650 km.), Brieva (550 km.) e Puerto de Santa María I (1100 km.). Após a ceia, projectou-se o audiovisual ‘Morte silenciosa. Um berro afogado nas celas de isolamento’, que dá conta da aplicaçom de regimes de isolamento nos cárceres de diversos Estados europeus. O sucesso económico e social desta iniciativa convida-nos a dotá-la dumha periodicidade regular como foro de informaçom, solidariedade económica e actualizaçom da situaçom em que se encontram @s patriotas galeg@s recluid@s nos cárceres de Espanha.