Sobreseído o caso do activista lingüístico para o que a Justiça espanhola solicitava pena de prisom e fortes sançons económicas

A juíza Amelia Maria Natalia Cortizo Moure e o fiscal José Luis Lojo Aller venhem de solicitar o arquivo provissório das diligências abertas contra o activista lingüístico P. M., processado por participar numha acçom de denúncia das responsabilidades da administraçom autonómica no processo de substituiçom lingüística. Segundo o próprio fiscal, “os factos denunciados carecem de todo apoio indiciário que acredite, incluso desse ponto de vista, os mesmos, nom constando dado algum das Diligências praticadas que permitam deduzir a realidade dos factos denunciados”. O auto judicial e a resoluçom fiscal suponhem nesta ocasiom um jerro de água fria sobre os informes policiais que pretendiam arbitrariamente impor a P. M. umha condena de prisom e fortes sançons económicas. Recordamos que as dependências da Vice-presidência autonómica eram novamente sabotadas com pintura laranja –identificativa da defesa do galego- no passado 18 de Maio, após a mobilizaçom nacional em defesa da língua celebrada nesse dia. Mais informaçom sobre este processo no linque inferior.