Ceivar organiza nesta sexta-feira 30 umha ceia em solidariedade com os presos independentistas no centro social O Pichel

Dando continuidade a umha prática iniciada nos últimos meses, o organismo popular anti-repressivo convoca para esta sexta-feira umha ceia popular no centro social O Pichel em solidariedade com @s quatro pres@s independentistas galeg@s. O acto, além da ceia, consistirá na projecçom dum audiviosual sobre os módulos de isolamento. A cita é para as 21:00 h. da próxima sexta-feira 30 de Maio. O preço individual é de 7€. Além do carácter económico da iniciativa, Ceivar pretende com este tipo de actividade compactar as redes comunitárias implicadas na solidariedade com os presos e a presa independentistas e renovar um compromisso colectivo neste sentido. O menu único para essa noite é: 1º prato: lentelhas vegetarianas 2º prato: arroz com cogumelos Sobremesa: frutas com chiculate Pode-se comunicar a participaçom nesta ceia solidária contactando com a militáncia compostelana de Ceivar ou através do correio electrónico ceivar@ceivar.org.