Segundo vimos informando nesta última semana através deste portal e da listagem de correio [Ceivar INFORMAÇOM], o cidadám galego P. M. P. pode ser condenado a 2 anos e 3 meses de prisom, sancionado economicamente por valor de 7200€ e sentenciado a umha responsabilidade civil de 970€ por participar num acto de denúncia da passividade da administraçom autonómica em matéria lingüística. O organismo popular anti-repressivo, além de facilitar assistência letrada ao processsado, chama à mobilizaçom nas portas dos Julgados da capital. Esta mobilizaçom consistirá na celebraçom dumha concentraçom de denúncia deste novo processo repressivo, que se iniciará a partir das 9:00 h. AM desta segunda-feira 19 de Maio. Aliás, convidamos todas aquelas pessoas e colectivos que identifiquem o carácter punitivo e exemplarizante que pretende ter este processo contra o activismo em favor da nossa língua a assistir à sala de vistas onde se celebrará o juízo. Com ambas iniciativas queremos manifestar o nosso rechaço radical ao caminho de repressom do activismo lingüístico que, por meio das ‘Subdelegaciones del Gobierno de España’, as FSE e a Justiça espanhola, parece querer transitar o PSOE neste momento enquanto alenta movimentos em favor do extermínio do galego como ‘Galicia Bilingüe’. Aliás, exigiremos a livre absoluçom de P. M. P., um cidadám que cumpre com o seu dever de defender a nossa língua frente ao processo de substituiçom identitária em que estamos imers@s. A concentraçom e a assistência à sala de vistas serám também, portanto, um sinal inequívoco de apoio e reconhecimento ao processado e aos factos polos que é imputado e julgado, que nom som outra cousa que umha tentativa de fazer visível o processo de extermínio da nossa língua através da farsa espanholizadora do ‘bilingüísmo harmónico’. STOP REPRESSOM! 19 DE MAIO TOD@S AOS JULGADOS! DEFENDER A NOSSA LÍNGUA NOM É DELITO!