Sai em liberdade provissória o histórico preso político galego Xaquín Garrido González após 25 anos nos cárceres

O cidadám galego Xaquín Garrido González (Leiro, 1961), militante do PCE(r) e histórico preso político, saia em liberdade provissória no passado 7 de Maio. Detido e preso na França desde Julho de 2002, o activista do ilegalizado PCE(r) foi extraditado ao Estado espanhol por agentes da Interpol da DGP em Maio de 2006. Imputado no sumário que afectou a maioria d@s militantes entregados por Paris a Madrid nos últimos anos, deverá permanecer nas fronteiras estatais e apresentar-se nos julgados cada 15 dias. O militante comunista agora excarcerado cumprira anteriormente umha larga condena de cárcere desde 1981 até 2000 pola sua militáncia na organizaçom armada GRAPO. Após rematar esta, Garrido González continuara o trabalho político incorporando-se ao aparato clandestino do PCE(r), ilegalizado polo juíz especial Baltasar Garzón em 2003. Finalmente, era detido no Estado francês em Julho de 2002 junto a outros sete militantes e entregado às autoridades espanholas em 2006. Liberdade para Marcos Regueira Fontes vinculadas ao ex preso assegurárom que “o único que sabemos é que está bem, que se tomou umhas merecidas pequenas férias com a sua família”. Por sua parte, advogados do organismo anti-repressivo SRI, que dá cobertura solidária a cidadáns e cidadás galegas implicados no movimento antifascista estatal, tratam neste momento de conseguir também a liberdade provissória de outro galego, Marcos Regueira, à vista do auto que supujo a liberdade de Garrido González. Segundo esta fonte, “teria que saír a nom tardar muito”.