Quinze pessoas assistírom neste sábado à palestra ministrada polo organismo popular anti-repressivo sob o título ‘Luita anti-repressiva e situaçom das presas independentistas galegas’ no centro social Aturuxo do Barbança. A palestra realizada em Boiro enquadra-se na série de actividades que Ceivar está a desenvolver para socializar e denunciar a situaçom em que se encontram os quatro independentistas galegos actualmente privados de liberdade e dispersados pola geografia penitenciária espanhola. Após analisarmos os factores estatais e nacionais que se encontram trás a actual ofensiva repressiva contra o Movimento de Liberaçom Nacional Galego, de Ceivar informamos aos assistentes sobre a aplicaçom da prisom política a três cidadáns e umha cidadá galega pola sua militáncia independentista. A palestra rematou com um participativo colóquio sobre a repressom e a reivindicaçom do direito de Autodeterminaçom.