Nunca cansaremos de repetir quanta é a importáncia de mantermos colectivamente umha comunicaçom estável desde o exterior com os presos e a presa independentista galega actualmente encarecerados e dispersados. Visitas, vises, correio postal e chamadas telefónicas, sempre restritas, e ocasionalmente vulneradas arbitrariamente, som as únicas vias que este democracia espanhola aceita para que militantes privados da sua liberdade e desterrados ilegalmente do País podam manter algum contacto com a realidade afectiva, social e política à que se devem. Neste sentido, parabenizamos a iniciativa adoptada pola Plataforma Cidadá ‘Que voltem para a casa!’ à hora de facilitar a comunicaçom postal do contorno social, político e familiar d@s pres@s independentistas com estes. Segundo fijo público esta plataforma que reivindica a repatriaçom d@s militantes privad@s de liberdade e a fim da dispersom, instalarám em todos os centros sociais do País caixas com sobres devidamente preparados e selados e postais dispostos para o envio aos cárceres. Os usuários e usuárias deste novo sistema poderám depositar num pequeno peto anexo achegas económicas que fagam sustentável a proposta. Segundo asseguram, “as cartas achegam às pessoas presas a realidade do seu País e evitam o seu desarraigo”. Publicamos mais umha vez os destinos forçosos d@s quatro militantes independentistas galegos que actualmente estám dispersados e privados de liberdade sem juízo. Renovaremos estes destinos no sucessivo no apartado que aparece na parte superior da página de início de ceivar.org. SANTIAGO VIGO DOMÍNGUEZ Centro Penitenciario Madrid VI Crtra. Nacional 400 km. 28 28300-Aranjuez (Madrid) ESPANHA JOSÉ MANUEL SÁNCHEZ GORGAS Centro Penitenciario Madrid VI Crtra. Nacional 400 km. 28 28300-Aranjuez (Madrid) ESPANHA XIANA RODRÍGUEZ GÓMEZ Modulo Verde Apartado 206 Centro penitenciário de Brieva Ctra. De Vicolozano 05194 Brieva (Ávila) ESPANHA UXIO CAAMAÑO SANTISO Prisión de Puerto de Santa Maria I Apartado de correos 555 Ctra. Jerez-Rota km. 6.4 11500 Puerto de Santa Maria (Cádiz) ESPANHA