A reivindicaçom da liberdade das presas e presos políticos galegos estivo presente nos actos centrais do 1º de Maio

Mais um ano, a exigência de liberdade para os presos e presas políticas do País tivo presença destacada nos principais actos sindicais do ‘Dia do Internacionalismo Proletário’, sendo transmitida a milhares de pessoas. Militantes do organismo popular anti-repressivo com macacos brancos e carautas que simbolizam a reivindicaçom de liberdade de expressom situavam-se num ponto elevado de Urzaiz termando dumha faixa com a legenda ‘Liberdade pres@s polític@s galeg@s’, alusiva às 21 cidadás e cidadáns que, neste momento, se encontram privados de liberdade devido à sua militáncia política. Milhares de pessoas mobilizadas polos sindicatos CIG, CUT, CGT e as corporaçons espanholas UGT e CCOO tivérom constáncia de primeira mao da existência de galegos e galegas presas por razons políticas e ideológicas e da exigência da sua repatriaçom e excarceramento. Apontar apenas que estas reivindicaçons fôrom reproduzidas em diversas ocasions por parte d@s participantes nas mobilizaçons convocadas polos sindicatos nacionalistas. Finalmente, centenas de pessoas registárom com as suas câmaras fotográficas a presença da solidariedade com os presos políticos galegos neste 1º de Maio de 2008. Ícone contra a repressom e em favor da liberdade Face o futuro, Ceivar pretende popularizar o ‘uniforme’ dos macacos brancos e as carautas censuradas com a bandeira espanhola como um ícone permanente, identificável a nível social e representativo da luita pola liberdade d@s pres@s polític@s galeg@s e contra a repressom, fazendo-o presente nas nossas principais intervençons públicas e mobilzaçons e actividades populares.