Carlos Cela inicia umha greve de fame para exigir o respeito dos seus direitos na prisom espanhola de Valdemoro

Segundo a breve informaçom que vimos de receber, o militante comunista e activista do organismo anti-repressivo SRI Carlos Cela, preso e dispersado ilegalmente ao centro penitenciário de Valdemoro, a mais de 600 quilómetros do seu domicílio habitual, pujo-se nesta tarde em greve de fame para exigir o respeito dos seus direitos. A notícia foi facilitada através dumha chamada telefónica por parte do próprio preso político galego embora a rapidez com que esta foi curtada fijo impossível conhecer mais detalhes sobre a sua situaçom. Carlos Cela, que amanhá deve comparecer ante o ‘Tribunal Supremo’ espanhol para a vista do recurso contra o seu ingresso em prisom, teria adoptado esta medida para exigir o seu direito a umha cela individual em Valdemoro. Segundo a informaçom recebida, um outro cidadám basco encarcerado nesta semana, e que se encontra em situaçom similar à do preso político galego, estaria secundando esta medida a partir da tarde de hoje. O período de cumprimento da greve anuncia-se até 7 de Maio, data em que o TS resolve o recurso apresentado contra o seu encarceramento, mas poderia continuar após esse dia se nom se resolvem as causas que dam origem a esta medida de pressom. Continuaremos facilitando informaçom na medida em que disponhamos de novos dados. CARLOS CELA SEOANE Centro Penitenciario Madrid III Carretera Pinto-San Martín de la Vega, km. 5 28340-Valdemoro (Madrid) Espanha