A Assembleia que exige a liberdade do preso político galego Carlos Cela Seoane convoca umha concentraçom para o próximo 29 de Abril às 20:30 h. na Praça das Cunchinhas para reivindicar a excarceraçom do militante comunista e membro do organismo anti-repressivo SRI. A mobilizaçom desenvolve-se no dia prévio à vista oral que Carlos Cela terá no ‘Tribunal Supremo’ espanhol para resolver o recurso apresentado contra o seu encarceramento. A resoluçom do TS realizará-se no prazo de umha semana. Lembramos que o companheiro Carlos Cela foi detido no passado 23 de Janeiro num operativo “contra o Grapo” organizado pola ‘Guardia Civil’ que derivou na detençom de militantes políticos, advogados e activistas do organismo anti-repressivo SRI do que participa Carlos Cela. Após o período de detençom incomunicada que estabelece a legislaçom ‘antiterrorista’, Carlos ingressava em prisom acusado de vários delitos. O recurso apresentado trata de demonstar no TS que este militante nada tem a ver com nem está integrado em nengumha organizaçom armada e que, portanto, a sua permanência em prisom é umha vulneraçom flagrante dos seus direitos. Quatro anos preso sem juízo A concentraçom convocada para o 29 de Abril na Praça das Cunchinhas exigirá a liberdade de Carlos Cela e servirá de apoio social ao recurso apresentado no alto tribunal espanhol. Recordamos que, caso de nom se produzir a excarceraçom do preso político galego, a legislaçom espanhola prevé a sua permanência em prisom preventiva durante um período que pode alcançar os quatro anos de duraçom à espera de que se celebre a vista contra o militante galego. De Ceivar, além de contribuir para a difusom desta convocatória e convidar ao seu reenvio maciço, queremos denunciar mais umha vez a actual aplicaçom extensiva do conceito “terrorismo”, que dá pé a umha caçaria de qualquer militante político que trabalhe em organizaçons políticas, sociais, etc. que critiquem o marco jurídico-político vigente. O caso de Carlos Cela evidencia até que ponto o Estado espanhol detém e encarcera activistas cujo único delito é rechaçar o regime monárquico espanhol, apoiar os presos políticos, participar em meios de comunicaçom alternativos, etc. CARLOS CELA, REPATRIAÇOM E LIBERDADE! DIA 29 TOD@S À PRAÇA DAS CUNCHINHAS! Para escrever a este preso político galego, remeter correspondência para: CARLOS CELA SEOANE Centro Penitenciario Madrid III Carretera Pinto-San Martín de la Vega, km. 5 28340-Valdemoro (Madrid) Espanha