Rescat é, junto a Alerta Solidària, um dos principais organismos anti-repressivos dos Països Cataláns que se especializa na demanda de liberaçom e a denúncia da repressom contra cinco cataláns e catalás presas como produto da sua implicaçom no denominado conflito basco. Anualmente, cada mês de Dezembro, este organismo organiza as chamadas ‘Marxas de Torxes’(em galego, ‘Marchas dos Fachos’), que reivindicam ao largo do território dos Països Cataláns a liberdade para @s pres@s polític@s Lola López, Diego Sánchez, Laura Riera, Zigor Larredonda e Marina Bernadó. Nesta semana, Rescat disponibilizava no seu web o vídeo das últimas ‘Marxas de Torxes’ celebradas em Dezembro de 2007 e no que, desde diferentes localidades dos Països Cataláns, se reivindica a liberdade para est@s cinco prisioneir@s polític@s. O vídeo está em catalám e dura 3:17 min. Pode-se consultar mais informaçom a respeito deste organismo anti-repressivo no seu web em http://rescat.wordpress.com. Anexamos ao pé do corpo desta notícia a ligaçom com o audiovisual catalám.