Por volta de 300 pessoas participárom no passado sábado 19 num concerto de apresentaçom do último CD editado polo grupo musical galego Skárnio ‘O nosso caminho’. A cita, que se iniciava com a apariçom no cenário de quatro pessoas com os rostos cubertos por máscaras brancas e portando os retratos d@s quatro independentistas galeg@s pres@s e dispersados pola geografia carcerária espanhola, foi a ocasiom para afirmar a vontade colectiva d@s presentes de exigir o respeito para os direitos d@s independentistas pres@s e a sua liberdade. O acto político-musical celebrado na Sala Iguana de Vigo começava com a suba ao cenário de quatro voluntári@s emascarad@s mostrando os retratos de José Manuel Sanches, Ugio Caamanho, Giana Gomes e Sánti Vigo. O público assistente recebeu a presença das imagens com gritos de ‘Liberdade patriotas galeg@s!’, ‘Nom som terroristas, som independentistas!’ e ‘Independência!’, que se repetírom em diversos momentos durante o concerto. De Ceivar, à vez que publicamos esta breve ressenha informativa dum novo acto em que está presente a reivindicaçom de repatriaçom e liberdade para @s pres@s independentistas, queremos agradecer a posiçom de compromisso claro e explícito que adopta o colectivo político-musical Skárnio contra a repressom.