Publicamos vídeo do Movimento Pro Amnistia de Euskal Herria para denunciar o processamento de 27 dos seus membros

Vinte e sete cidadáns e cidadás bascas serám processados a partir da próxima segunda-feira 21 de Abril no tribunal político de excepçom de Madrid conhecido como ‘Audiencia Nacional’. @s imputad@s, que nos últimos trinta anos tivérom responsabilidades diversas no movimento de solidariedade e luita anti-repressiva de Euskal Herria, estám acusados paradoxalmente dum delito de ‘pertença a banda armada’ em aplicaçom da denominada ‘Doctrina Garzón’, que considera que quem partilha os objectivos políticos da organizaçom armada basca ETA também é parte desta organizaçom. Aguardamos facilitar nos próximos dias mais ampla informaçom sobre este novo processo repressivo que evidencia a verdadeira natureza antidemocrática do Estado espanhol e demonstra como a extensom da categoria de delito político alcança já toda actividade de oposiçom ao actual quadro jurídico-político. Além de recomendar vivamente a visom deste vídeo, queremos ficar com as palavras de Juan Antonio Madariaga, porta-voz do Movimento Pro Amnistia de Euskal Herria que, dirigindo-se em segunda pessoa de plural ao Executivo de Madrid recordou a respeito do fracasso evidente da via policial e repressiva que “nom o conseguistes. Nom o vades conseguir”. O linque inferior permite o acesso directo a este interessante documento audivisual que hoje disponibilizamos para as nossas leitoras e leitores como umha humilde expressom solidária do organismo popular anti-repressivo com a luita anti-repressiva em Euskal Herria.