Coincidindo com a celebraçom do ‘Dia Internacional d@s Pres@s Polític@s’ e respondendo à convocatória lançada por Ceivar, quarenta pessoas concentravam-se na tarde de onte no museu Marco de Vigo para exigir a liberdade de todas aquelas pessoas encarceradas por defender ideais políticos de emancipaçom. @s assistentes à concentraçom, que se desenvolveu sob umhas pésimas condiçons meteorológicas, coreáron palavras-de-ordem de apoio às revolucionarias e de denúncia das políticas repressivas do Estado espanhol. A mobilizaçom estivo vigilada por várias dotaçons da Polícia espanhola apostadas em ruas próximas do centro da cidade e rematou com a leitura do manifesto internacional redigido para a celebraçom da jornada e o canto do hino nacional. Aliás, dou-se a conhecer às pessoas assistentes as últimas medidas repressivas aplicadas ao preso independentista galego Ugio Caamanho, ao que o ‘Ministerio de Interior’ vem de vetar a possibilidade de receber visitas da sua companheira no centro penitenciário em que está dispersado. Lembramos que, na altura de 17 de Abril de 2007, quatro cidadáns e cidadás galegas se encontram encarceradas e dispersadas a centos de quilómetros da Galiza devido à sua militáncia independentista. Aliás, outros 17 cidadáns e cidadás estám pres@s e dispersad@s pola sua militáncia em organizaçons antifascistas, comunistas e anti-repressivas de ámbito estatal.