Coincidindo com a celebraçom mundial do ‘Dia Internacional dos Presos e Presas Políticas’ neste 17 de Abril, Ceivar organizou na tarde de onte umha palestra na Faculdade de Geografia e História da USC à que assistírom por volta de quarenta pessoas. O decurso do acto serviu para expor a visom actualizada do organismo popular anti-repressivo a respeito do presente contexto repressivo e as suas previsíveis evoluiçons, assi como para informar sobre a situaçom penitenciária e judicial d@s pres@s independentistas galeg@s numha jornada em que se conhecia umha nova vulneraçom de direitos na pessoa do militante Ugio Caamanho. A palestra foi ministrada polo militante de Ceivar Anjo Baralha e polos familiares de pres@s independentistas galegos Manolo Caamanho e José Sanches, pais, respectivamente, de Ugio Caamanho e José Manuel Sanches Gorgas, dispersados de forma ilegal polo Executivo espanhol a Cádiz (1100 km.) e Madrid (600 km.). O acto, que reproduzia para um público diferente o formato da palestra realizada no passado dia 9 no centro social O Pichel, rematou com um participativo colóquio por parte das pessoas assistentes. Campanha informativa Por parte de Ceivar desenvolveremos nos próximos meses iniciativas similares em distintas comarcas do País para socializar a denúncia da situaçom de excepçom a que estám submetid@s @s quatro independentistas pres@s. Esta campanha informativa acrescentará-se também em intensidade e diversidade de métodos empregues, umha vez que o juízo contra Giana Gomes e Ugio Caamanho –detid@s em 23 de Julho de 2005- tem que celebrar-se antes de Julho de 2009, data em que se cumprem os quatro anos máximos que, segundo a legislaçom espanhola, umha pessoa pode permanecer presa sem a celebraçom do seu juízo.