Algumhas entidades locais já começam mover ficha ante a previsom de que se constitua a futura Polícia Autonómica. É o caso do governo municipal de Vigo que, presidido polo espanholista Abel Caballero, dava onte o seu compromisso ao titular autonómico de Justiça, Méndez Romeu, para ceder umha parcela de 1000 metros quadrados na que construir umha esquadra para o novo corpo policial. Méndez Romeu confirmou que o projecto está relacionado com o alargamento do número de agentes policiais destinados na cidade olívica. Fontes oficiais asseguram que neste momento estám deslocados em Vigo trinta polícias espanhóis autonómicos e que o objectivo do departamento de Justiça é alcançar os cinquenta efectivos. No entanto, o alargamento policial está vinculado, segundo Méndez Romeu, com a aplicaçom da ‘Lei da Polícia da Galiza’ aprovada no parlamento da CAG. “O nosso objectivo é incrementar o pessoal, principalmente nos lugares onde existe maior demanda (sic) e mais diligências se praticam, e em Vigo isso é evidente”, assegurou o conselheiro, que anunciou, aliás, que as jos_content instalaçons serám “de maior tamanho e com maiores prestaçons”. Pendentes de Madrid Contodo, os projecto policiais para a cidade industrial do sul da Galiza estám a expensas dum acordo ainda nom produzido com o ‘Ministerio de Interior’. Segundo avançou Méndez Romeu, “nós estamos hoje preparando as infraestruturas para quando chegue o momento”. Actualmente, a Polícia espanhola autonómica tem as suas dependências nos baixos dos edifícios de Rivera Atienza, na Dobrada, que também foram cedidos no seu dia polo governo municipal. Satisfeito com o acordo, o alcalde espanholista assegurou que “no prazo de um mês, umha vez aprovado o Plano Geral” o concelho viguês cederá “num solar céntrico” os mil metros quadrados requeridos pola administraçom autonómica. O alargamento da presença policial na cidade olívica, epicentro dum ‘Área Metropolitana’ de mais de 400.000 pessoas e núcleo populacional mais importante da Galiza, é um projecto inseparável da constituiçom em curso de jos_content instituiçons supramunicipais e das necessidades de controlo policial e repressom existentes na área da Ria de Vigo, por volta da que se situam algumhas das comarcas socialmente mais dinámicas e com mais alta conflitividade laboral e ambiental do País. Méndez Romeu e Abel Caballero anunciárom que a construçom da nova esquadra policial começará em 2009.