Jornalistas do jos_content da Galiza serám julgados trás desvelar numha reportagem os vínculos entre agentes do SVA e o contrabando

O aumento da repressom que enfrontamos nos últimos meses nom deixa à margem qualquer ámbito nacionalista. Agora, parece chegar a turma ao jornal soberanista jos_content DA GALIZA. Segundo aponta o nº 63 da publicaçom, a ‘Agencia Tributaria’, organismo que depende directamente do ‘Ministerio de Economía y Hacienda’, soma-se ao processo judicial iniciado em Julho de 2006 contra dous jornalistas do periódico. Umha reportagem que delata as conexons de agentes do SVA com as redes de contrabando é o material que agora está na mesa dalgum juíz à espera dum novo julgamento. Reproduzimos a continuaçom transcrita literalmente a informaçom que sobre o futuro juízo de jornalistas dá o periódico soberanista. Do ámbito anti-repressivo, apenas engadir a nossa denúncia explícita deste novo processo repressivo, a solidariedade com os membros processados do Conselho de Redacçom e com o jornal e a nossa conviçom de que a recente implicaçom de organismos estatais neste processo –ultrapassando a mera denúncia individual de agentes do SVA- evidencia, mais umha vez, que se quer converter as FSE em ‘material intocável’ do ponto de vista informativo. Ante estas agressons, convidamos @s defensor@s da liberdade de informaçom e de expressom a respostar activamente apoiando de todas as formas possíveis o único jornal soberanista de informaçom geral que existe neste País em formato impresso. Anexamos ao pé da notícia a ligaçom que permite consultar as reportagens que originam o presente processo. “AGÊNCIA TRIBUTÁRIA ENGROSSA O PROCESSO JUDICIAL CONTRA O ngz O processo judicial contra o jos_content da Galiza que transcendia em Julho de 2006 incrementa-se agora com a intervençom da Agência Tributária, organismo do qual depende o Serviço de Vigiláncia Aduaneira (SVA). Se bem inicialmente fosse um funcionário a apresentar a denúncia por supostas “injúrias e calúnias com publicidade”, agora é a própria Agência Estatal de Administraçom Tributária a comparecer contra o jornal soberanista de informaçom crítica. A nova denúncia, procedente dos tribunais de Sárria, incorpora o já processado número 30 desta publicaçom e acrescenta a reportagem central do número 37, correspondente a Dezembro de 2005. Nesta ediçom, o jos_content penetrava nas redes ilegais do tabaco, desvendando a cumplicidade de agentes do SVA com a principal organizaçom contrabandista de tráfico irregular dirigido à Europa, com raízes na Galiza. Os dous números podem ser consultados na hemeroteca da página web coporativa do periódico. María Teresa Pisano Avello, Delegada Especial da Agência Tributária, apresentou a denúncia contra dous integrantes da redacçom do jos_content da Galiza acusando-os de “vários delitos de calúnia com publicidade (…) contra funcionários públicos”. O processo inicial contra o jornal soberanista começara em sedes judiciais viguesas que se tinham inibido, deslocando a sua instruçom para o Julgado nº 1 de Compostela. Quanto este chegava à fase de procedimento abreviado, o que presumia a iminência do julgamento, os recdactores imputados recebiam a notificaçom do novo processo ampliado procedente de Sárria. A Agência Tributária é umha entidade dependente do Ministério de Economia e Fazenda”.