Continuando as mobilizaçons e iniciativas em reivindicaçom do indulto para os três vizinhos do Eixo ingressados em prisom desde Outubro de 2007, a Plataforma polo Indulto aos Três do Eixo convoca umha concentraçom para as 20:30 horas de hoje na Praça do Toral (Compostela). O acto enquadra-se no conjunto de iniciativas de pressom que a vizinhança desta paróquia está a desenvolver para que o Executivo espanhol ponha em liberdade os três encarcerados. Lembramos que Simón Márquez, Jesús Montoiro e José Moreira se encontram no cárcere de Teixeiro condenados a sete anos de prisom pola suposta agressom a um agente antidistúrbios produzida em 1998. Naquela data, na altura do mês de Junho, dezenas de efectivos da Polícia espanhola agrediam efectivamente homes, mulheres e nen@s que reivindicavam segurança viária no Eixo após umha sequência de mortes e acidentes produzida na paróquia. Os conhecidos como Três do Eixo fôrom utilizados no seu dia como cabeça de turco para punir a luita da vizinhança de toda a paróquia e, após um processo judicial inçado de irrregularidades, eram encarcerados em Outubro de 2007. O movimento de solidariedade com os três presos do Eixo exige do Governo espanhol a concessom dum indulto que suponha a sua imediata excarceraçom. Até o momento, o Executivo que preside José Luis Rodríguez Zapatero denegou a aprovaçom deste indulto facilitando a permanência em prisom dos três retaliados. De Ceivar chamamos os leitores e leitoras deste portal a dar toda a difusom possível a esta convocatória e participar na mobilizaçom programada para hoje.