Coincidindo com a proximidade do 10 de Março, Dia da Classe Operária Galega, oito militantes independentistas representárom no passado domingo na estaçom da Renfe em Compostela umha paródia de denúncia das lacras da emigraçom e a turistificaçom que suporta o nosso País. O acto teatral, que encenava como enquanto @s galeg@s abandonamos a Terra à procura de trabalho, Galiza se converte em receitora neta de turistas, deu pé a umha intervençom de efectivos da Polícia espanhola e ao registo policial dos veículos. Dezenas de pessoas agolpavam-se na Renfe após encerrar-se a jornada eleitoral para contemplar @s oito militantes que por surpresa parodiavam a flujo de emigrantes galeg@s e a conversom da Galiza numha reserva turística europeia. Agentes da segurança da Renfe avisárom os efectivos do 091 que, em poucos minutos, se personavam na estaçom de trens identificando @s ‘comediantes’. As identificaçons dérom passagem a interrogatórios ameaçantes e ao exaustivo registo policial dos seus veículos. Também controlo policial da AMAL Reproduzindo factos similares aos ocorridos na Renfe de Compostela no 9-M, fontes da Associaçom de Montanheir@s ‘Augas Limpas’ informárom este portal que os roteiros que celebram regularmente vem-se submetidos também a umha acossa policial sistemática. Efectivos de distintos corpos das FSE vigilam e identificam @s participantes nesta actividade de lazer, registam os veículos, solicitam informaçom sobre as marchas de montanha que celebram, etc. Estas tentativas de intimidaçom e o controlo policial dumha actividade pública da que participam dezenas de pessoas é umha constante desde que a AMAL deu os seus primeiros passos no desenvolvimento dum lazer alternativo e desligado do consumo e evidencia, por outra parte, até que ponto está a chegar a vigiláncia das FSE sobre qualquer actividade pública vinculável ao independentismo.