Ceivar desconvoca concentraçom do 27 de fevereiro nos julgados de Vigo

O organismo popular anti-repressivo desconvoca concentraçom para o 27 de fevereiro ante os julgados de Vigo em apóio aos sete independentistas processados polo acto de protesto solidário ante a esquadra da polícia espanhola o dia 6 de dezembro, após a celebraçom da manifestaçom e o acto político pola autodeterminaçom convocado pola Causa Galiza em Vigo, e da posterior detençom de quatro militantes independentistas. O motivo da queda da convocatória é o mais que previsível adiamento do julgamento devido a falta de notificaçom em forma dalguns dos processados. Ceivar informará no seu momento da nova data do julgamento e da resposta anti-repressiva a desenvolver por parte do organismo. O caso remite-nos ao dia 6 de dezembro de 2007 quando após o acto político pola autodeterminaçom convocado por Causa Galiza foram detidos quatro militantes de NÓS-Unidade Popular acusados de participar na queima dum boneco que representava ao Rei da Espanha. Conhecida a notícia nos circulos independentistas da cidade e no jantar de confraternizaçom que estava a decorrer no Centro Social Faísca foi convocada umha concentraçom popular para as seis da tarde diante da esquadra da polícia espanhola de rua lopez mora. Por volta dum cento de pessoas somaram-se com umha faixa na que se lia Liberdade detidos. Stop repressom. aos berros de liberdade dumha vintena de militantes da própria organizaçom à que pertencem os detidos que se foram concentrando antes das cinco da tarde diante da esquadra da polícia espanhola. Embora num primeiro momento fora atacada com umha carga dos antidistúrbios na que resultaram contusionadas várias pessoas a concentraçom e a pressom popular foram crescendo e remataram por serem fundamentais para conseguir a liberdade dos detidos esse mesmo serao.