Após a última detençom acontecida nesta manhá, à que poderiam seguir outras, anuncia-se umha concentraçom contra a repressom e em solidariedade com Mário F. P. a partir das 18:00 h. ante os julgados da capital galega. O acto anti-repressivo desenvolve-se em regime de auto-convocatória trás conhecer-se que o detido será conduzido a emprestar declaraçom perante o juíz. De Ceivar, além de apoiar esta mobilizaçom, queremos denunciar a actual sequência de arrestos como parte da estratégia político-eleitoral do PP, à que se apontou gostosamente o PSOE e o seu entramado mediático, e que avalizam o conjunto dos partidos instituicionais desde o silêncio e/ou desde a admissom e reproduçom da mentira construida mediaticamente de que existiu umha “agressom” ou “tentativa de agressom” à dirigente fascista basca María San Gil. Queremos denunciar, como evidência do carácter abertamente eleitoral do dispostivo posto em andamento, que as pessoas detidas nestes dias já tenhem fixada umha data para declarar sobre os acontecimentos do dia 12, facto que demonstra o carácter do procedimento policial. TOD@S À RUA CONTRA A REPRESSOM! MÁRIO LIBERDADE! STOP MONTAGEM POLÍTICA, MEDIÁTICA E POLICIAL!