A primeira hora da manhá de hoje era detido o militante independentista Mário F. P. supostamente em relaçom ao protesto celebrado no passado dia 12 contra a presença de María San Gil, presidenta do Partido Popular na Comunidade Autónoma Basca. A Rádio Galega vem de informar da sua imediata posta a disposiçom judicial embora este extremo ainda nom foi confirmado polo nosso organismo. Para a esquadra policial dirige-se nestes momentos um advogado com vistas a conhecer a situaçom legal de Mário F. P., as acusaçons que sobre ele podam existir, etc. A respeito da presente vaga de detençons que se está a desenvolver nos últimos dias, de Ceivar queremos denunciar o seu carácter abertamete político-eleitoral, umha vez que as pessoas imputadas já estám convocadas para emprestar declaraçom nos Julgados no seu dia. Este dado fai tecnicamente desnecessárias da óptica policial estas detençons, que interpretamos como umha contribuiçom política por parte das FSE à campanha eleitoral do Partido Popular. Continuaremos facilitando informaçom nas próximas horas sobre as últimas detençons. Teresa Cancelo pretende ser a ‘María San Gil’ da Galiza Teresa Cancelo, decana da Faculdade de Económicas, é entrevistada hoje polo diário espanholista ‘La Voz de Galicia’ dentro da campanha mediática que procura impor expulsons de estudantes independentistas do Sistema Universitário Galego e endurecer a situaçom do associacionismo estudantil patriótico. A entrevista dissipa qualquer dúvida a respeito do tratamento de qu está a ser objecto em concreto a associaçom estudantil Agir, tratada como “problema” a erradicar. Cancelo, fidel à sua trajectória filofascista, posiciona-se a favor das expulsons de estudantes do SUG, lamenta-se de que a Polícia espanhola nom entrasse no dia dos factos na Faculdade e deposita na ‘Fiscalia General del Estado’ as medidas que podam aplicar-se ao associacionismo estudantil independentista. Todo um exemplo donde se situa cada quem no conflito actual.