Manuel Ameijeiras Vales, ‘Delegado del Gobierno’, anuncia umha vaga de detençons de independentistas nas próximas horas

PSOE e PP, PP e PSOE, tanto tem. Segundo vem de anunciar nesta manhá o ‘Delegado del Gobierno de España’ e se publica às 12:58 AM de hoje na ediçom digital de ‘La Voz de Galicia’, as autoridades políticas e policiais decidírom dar um salto qualitativo na operaçom repressiva iniciada trás o protesto contra a dirigente fascista María San Gil na USC. O máximo responsável político da repressom na CAG anuncia para o dia de hoje e vindeiros umha vaga de detençons. Chamamos toda a militáncia independentista e todas as pessoas que ostentem o qualificativo de democratas a estar alerta e participar nas iniciativas de resposta que se programem nas próximas horas e dias. Ameijeiras Vales confirmou a detençom de Iago Barros e assegurou que “há outras em curso” nestas horas. De Ceivar, além de chamar à mobilizaçom frente a esta iniciativa eleitoral de curte repressivo compartilhada por PP e PSOE, queremos denunciar neste momento os níveis de perseguiçom das ideias que se estám a alcançar dentro dum clima de relativa ‘normalidade democrática’. A passagem de María San Gil pola instalaçons da USC, além de ter sido umha ocasiom para a prática da violência policial e a manipulaçom informativa, é-o, também, para dar mais um passo avante na satanizaçom e perseguiçom do movimento sócio-político e da militáncia independentistas. FASCISMO NUNCA MAIS! SAIAMOS À RUA CONTRA A REPRESSOM! LIBERDADE PARA @S DETID@S!