Segundo informaçons contrastadas que vimos de receber, o militante independentista Iago Barros teria sido detido nesta manhá por efectivos das FSE. A detençom pode ter-se produzido dentro do processo repressivo iniciado na passada terça-feira, quando estudantes da USC denunciavam a presença de María San Gil na Universidade para dar um mitim –o tema inicialmente proposto para a ‘conferência’ converteu-se num acto antinacionalista- financiado com dinheiro público da USC. Lembramos que a decana desta Faculdade, Maite Cancelo, vem de elevar à Reitoria da USC um informe em que acusa sete das pessoas que denunciavam a presença da dirigente fascista dumha “agressom” construida mediaticamente. Cancelo Márquez solicita a expulsom d@s sete estudantes do Sistema Universitário Galego e a “disoluçom” de Agir. Trás a detençom desta manhá todo indicaria que, além da frente académica e mediáitica, especialmente activa nos últimos dias, a repressom também se vai desenvolver no ámbito policial e judicial. De Ceivar animamos a dar umha resposta ampla, unitária, forte e firme ao que nom é, nem mais nem menos, que umha tentativa de colocar um sector da sociedade galega no limbo legal dentro dumha instituiçom que se apresenta como defensora dumha falaz toleráncia. Além da situaçom académica de determinadas pessoas e das possibilidades de intervir no ámbito público dumha associaçom, está em jogo o direito a que nesse ámbito de que falamos o movimento independentista poda ter cabimento. Chamamos todos os sectores da denominada comunidade universitária a pronunciar-se frente a este nova ‘caça de brujas’ que impulsiona o PP com o apoio do seu aparato mediático e de autoridades políticas e académicas. IAGO BARROS, LIBERDADE! STOP REPRESSOM POLÍTICA!