Auto-convocam-se mobilizaçons em Vigo e Compostela para denunciar a actual vaga repressiva contra o independentismo

Em resposta à vaga repressiva mediática e académica, à que se vem de somar a actuaçom policial anunciada para hoje por Ameijeiras Vales, ‘Delegado del Gobierno’, surgem as primeiras iniciativas de resposta. Hoje pola tarde, a partir das 20:00 h., estám convocadas concentraçons perante o museu Marco de Vigo (rua do Príncipe) e na Praça do Pam –antes, Cervantes- da capital galega. De Ceivar convidamos a dar a máxima difusom a estas convocatórias de urgência através de sms e correios electrónicos e a exercitar umha resposta social firme e ampla a esta vaga repressiva que pretende colocar contra as cordas a liberdade de expressom, a defesa das ideias e o direito de manifestaçom.