Além dos acontecimentos que nas últimas dias agitárom à militáncia independentista galega e captárom o grosso do nosso trabalho anti-repressivo, de Ceivar devemos continuar adiante, simultaneamente, com outras iniciativas programadas com antelaçom às detençons e incomunicaçons da passada semana como é o caso da ‘II Marcha Nacional pola Liberdade’. Nesta ediçom, a iniciativa anti-repressiva anual deslocará-se aos cárceres espanhóis de Alcalá-Meco, onde se encontram Santiago Domingues e José Manuel Sanches e Brieva (Ávila). Materializando a que quer ser umha tradiçom anual, Ceivar convoca no vindouro domingo 23 de Dezembro a ‘II Marcha Nacional pola Liberdade’ para exigir a liberaçom d@s pres@s independentistas galeg@s Santiago Vigo Domingues, José Manuel Sanches Gorgas, Giana Rodrigues Gomes e Ugio Camaanho Sam-Tisso, actualmente pres@s e dispersad@s nos cárceres espanhóis de Alcalá-Meco (Madrid), Brieva (Ávila) e Puerto de Santa María I (Cádiz), a 600, 500 e 1100 km., aproximadamente, do País. Oferecemos aqui toda a informaçom técnica necessária para as solidárias e solidários que desejem participar nesta iniciativa anti-repressiva que percorrerá nesta ocasiom 1400 km. em menos de 24 horas de viagem. A ‘II Marcha Nacional pola Liberdade’ partirá do Obelisco da cidade da Crunha às 07:00 horas da manhá do domingo 23 de Dezembro. Os bilhetes de autocarro podem-se mercar nos pontos de venda que se anotam mais abaixo ao preço de 20€ o bilhete individual. A adquisiçom também se pode fazer contactando com os comités comarcais de Ceivar, através do correio nacional do nosso organismo ceivar@ceivar.org ou telefonando para os números apontados mais abaixo. Roga-se a MÁXIMA PONTUALIDADE tanto no ponto de saída na Crunha quanto nas sucessivas paragens que o autocarro realizará em COMPOSTELA Praça da Galiza 7:45 PONTE VEDRA Diante da Cámara municipal 8:30 VIGO Hotel Bahía (Clube Náutico) 9:00 RIBA D’ÁVIA Diante do Castelo 10:00 OURENSE Estaçom de Autocarros 10:30 Chegad@s a primeira hora da tarde de autocarro à prisom de Alcalá-Meco concentraremo-nos ante este centro penitenciário espanhol em solidariedade com os presos independentistas galegos Santiago Domingues e José Manuel Sanches e exigindo a sua repatriaçom e liberdade. Posteriormente, deslocaremo-nos à aldeia de Brieva, a escassos quilómetros de Ávila, caminhando um cento de metros até a prisom e realizando umha outra concentraçom no muro exterior para denunciar o isolamento prolongado a que foi submetida a militante galega Giana Gomes e a sua recente passagem a 1º grau penitenciário. Aliás, daremos leitura ao comunicado elaborado polo organismo anti-repressivo com motivo desta ‘II Marcha Nacional pola Liberdade’. Trás o acto político, partiremos de Brieva para a Galiza fazendo o percorrido de ida em sentido inverso com as mesmas paragens para deixar @s solidári@s nos pontos anotados mais arriba. A nossa estimaçom é que o autocarro chegue à Crunha a última hora do domingo 23 ou na madrugada da segunda-feira 24. Prega-se a tod@s @s solidários trazer a documentaçom em regra para participar nesta mobilizaçom. TELEFONES DE INFORMAÇOM Qualquer informaçom sobre a ‘II Marcha Nacional pola Liberdade’ pode receber-se telefonando para os seguintes números A Crunha: 680 694 250 e 651 424 014 Compostela: 629 477 680 Ponte Vedra: 676 550 106 Vigo: 607 930 324 e 629 477 680 Ourense: 661 016 723 Lugo: 627 232 479 PONTOS DE VENDA DOS BILHETES A Crunha: centro social Atreu e Loja Mal-dizer Compostela: Pub Avante e C. S. O Pichel Ponte Vedra: centro social Revira Vigo: centros sociais Revolta e Faísca Ourense: centro social A Esmorga Vale de Amaía: centro social A Fouce O Ribeiro: centro social Arrincadeira Límia: centro social Aguilhoar Ferrol: Fundaçom Artábria Lugo: centro social Mádia Leva! Noia: centro social Roi Soga de Lobeira Ponte Areas: centro social O Fresco