Os presos independentistas galegos Santiago Vigo Domingues, José Manuel Sanches Gorgas e Adriám Ponte Sande, este último ficará em liberdade condicional em questom de horas, ingressárom na noite passada no Módulo de Menores da prisom espanhola de Alcalá Meco (Madrid). A ‘Audiencia Nacional’ decidia, seguindo o critério comum a todos os presos e presas políticos, dispersar ambos jovens a mais de 600 km. do seu lugar habitual de residência. De Ceivar chamamos a todas as pessoas que se mobilizárom nos últimos dias e a quem venhem dando um seguimento das últimas detençons ao envio maciço de correio solidário a ambos militantes. O endereço para o envio deste correio solidário é: CENTRO PENITENCIARIO DE MADRID II Ctra Alcalá-Meco, Km. 4,5 28870 Alcalá de Henares (Madrid) España Queremos denunciar, por outra parte, a aplicaçom da dispersom penitenciária a Santiago Vigo e José Manuel Sanches por parte da ‘Audiencia Nacional’, quando ambos ainda som presos preventivos. Novamente, demonstrando que a dispersom penitenciária é um arma de repressom política sobre os presos e de extensom desta às famílias e o contorno social e político d@s repressaliad@s, incumpre-se a legislaçom penitenciária espanhola e vulneram-se diversas convençons internacionais que recolhem o direito de toda pessoa presa a permanecer em centros prisionais próximos do seu contorno sócio-cultural e afectivo. A DISPERSOM É TORTURA! LIBERDADE PATRIOTAS GALEG@S!