O futuro imediato de três independentistas galegos está nas maos dum juíz especial marcadamente antinacionalista

Fernando Grande-Marlaska (Euskal Herria, 1962), magistrado do Julgado Central de Instruçom nº 3 da Audiência Nacional espanhola, será o juíz que nas próximas horas decida sobre o futuro imediato de Santiago Vigo, José Manuel Sanches e Adriám Ponte, os três militantes independentistas galegos detidos na passada quinta-feira por efectivos da ‘Guardia Civil’ que nas próximas horas darám por rematado um período de incomunicaçom de quase 120 h. em maos de agentes do instituto armado. O juíz titular desde 2007 do citado Julgado Central de Instruçom nº 3 é um indivíduo marcadamente antinacionalista louvado por toda a extrema direita mediática espanhola. De facto, substituiu até Junho de 2006 a um outro ariete do espanholismo, o juíz especial Baltasar Garzón, durante a ausência deste nos USA. Além deste significativo relevo, o nome de Fernando Grande-Marlaska saltou à fama graças à instruçom de vários sumários contra a esquerda independentista basca e a política de ilegalizaçom de manifestaçons e actos do MLNB, sendo considerado um ‘duro’ na repressom dos movimentos independentistas assi como um monárquico convencido. Grande-Marlaska tem demonstrado ser também um juíz que, além de destacar-se pola sua fiabilidade e compromisso na luita contra os movimentos nacionalistas, tivo umha grande projecçom mediática no passado mês de Junho por atribuir à incompetência da tripulaçom o acidente do aviom militar Yak-42 que em 2003 custava a vida a 62 soldados espanhóis. Deste modo, o magistrado do tribunal político especial eximia de responsabilidades ao ‘Ministerio de Defensa’ e à sua política de contrataçons, ao tempo que arquivava a parte do sumário que afectava à contrataçom daquel vo. Monárquico e antinacionalista beligerante Fernando Grande-Marlaska obtinha também recentemente umha importante projecçom mediática trás decretar a abertura dum juízo oral a vários trabalhadores do meio humorístico espanhol ‘El Jueves’ por um suposto ‘delito de injúrias contra a Coroa’. Nesta mesma linha de posicionamento sistemático com o poder, o juíz espanhol arquivava em 2007 a causa aberta contra quatro directivos de Air Madrid por umha presunta estafa durante a crise desta companhia em 2006. Os recursos interpostos pola OCU contra este arquivo resultavam finalmente infrutuosos Apesar da sua beligeráncia antinacionalista, de ser um alto magistrado dum tribunal especial focado à repressom política e de ter escuitado impassível multidom de casos de torturas de detidos por motivos políticos, sem abrir as respectivas investigaçons e causas judiciais, paradoxalmente, Grande-Marlaska é considerado pola sociedade espanhola como um juíz progressista polo mero facto de casar com o seu noivo e viver com naturalidade a sua condiçom homossexual. Santiago Vigo, José Manuel Sanches e Adriám Ponte serám conduzidos ante a sua presença na manhá de hoje 18 de Dezembro para emprestar declaraçom. Das decisons que adopte Fernando Grande-Marlaska depende absolutamente o futuro imediato destes três independentistas galegos e de dezenas de pessoas que nos próximos meses se poderiam converter num novo alvo da dispersom penitenciária.