Ceivar convoca concentraçons em solidariedade com os detidos em Portozinho

Ceivar convoca para hoje sábado concentraçons em solidariedade com os detidos na madrugada de onte em Portosim. Fazemos um chamado à solidariedade activa e a participaçom nas concentraçons convocadas para hoje: Compostela: Praça do Pam(Cervantes) às 19:00 h. Vigo: Praça da Princesa às 20:00 h. Lembramos que os três detidos se encontram neste momento na Comandáncia do instituto armado espanhol na Corunha trás ser-lhe aplicada a legislaçom anti-terrorista. Durante a tarde de onte fôrom conduzidos aos seus domicílios para proceder aos respectivos registos policiais, encontrando-se em todos os casos com pequenas concentraçons de pessoas que exprimírom a sua solidariedade com os detidos. Prevemos que nas próximas horas poderiam ser conduzidos à Audiência Nacional de Espanha (Madrid) para ser postos a disposiçom dum juíz especial. Dado que o regime de incomunicaçom sem direito a assistência jurídica pode prolongar-se entre 72 e 120 horas, entendemos que estes três jovens independentistas se encontram, neste momento, submetidos a um alto risco de ser objecto de torturas e mal-tratos a maos dos seus captores. Aliás, alertamos da possibilidade real de que o tribunal especial espanhol decrete o seu ingresso imediato em prisom. CONTRA A REPRESSOM ESPANHOLA, SOLIDARIEDADE!! DEFENDER A TERRA NOM É DELITO!! LIBERDADE PATRIOTAS GALEGOS!!