Fontes familiares próximas a umha das duas pessoas detidas nesta madrugada pola ‘Guardia Civil’ na localidade de Noia informárom a este organismo às 9:00 h. da manhá de hoje da notícia que titula esta informaçom. As detençons produzírom-se sobre as 2:30 e, segundo informaçons transmitidas polo instituto armado a umha das famílias, os detidos portariam um artefacto explosivo. Um dos detidos responde às iniciais S. V. D. Segundo a fonte policial, ambos detidos passárom a noite no quartel da ‘Guardia Civil’ em Boiro, desconhecendo-se qualquer dado a maiores sobre a sua situaçom e as condiçons em que se produzírom estas detençons. Ceivar colocará nas próximas horas assistência jurídica aos detidos tanto para a sua defesa quanto para conhecer o estado em que se podam encontrar. Seguiremos informando em quanto disponhamos de novos dados.