Activistas da Causa Galiza em Taveirós e Terra de Caldas som acossados pola ‘Guardia Civil’

A pressom policial sobre o tecido associativo soberanista é umha realidade incontornável que a cada afecta mais pessoas. Hoje aludiamos ao «Dosier sobre a ‘Operación Castiñeira’», que demonstra o nível de intromissom das FSE na vida interna e as comunicaçons de organizaçons e colectivos. Nesta mesma linha, recebiamos onte a denúncia de vári@s activistas da Causa Galiza em Taveirós e Terra de Caldas, retid@s e registad@s por efectivos do instituto armado quando regressavam de Vigo após participarem na mobilizaçom em favor da Autodeterminaçom do dia 6. Quatro membros da iniciativa social autodeterminista eram retid@s e registad@s na autoestrada AP-9 por efectivos do instituto militar à altura de Caldas. A notícia, além de ser a cada menos excepcional por ter adoptado carta de ‘normalidade’ nos últimos tempos, e ser dezenas @s independentistas objecto destas práticas, reviste nesta ocasiom certos caracteres específicos. Em primeiro lugar, o sítio onde se produz a retençom, o interrogatório e o registo do veículo: a saída da portagem da autoestrada AP-9, um lugar pouco habitual para este tipo de exercícios. Em segundo lugar, queremos destacar a evidência de que existia um dispositivo de espera e a sua desproporcionada dimensom: oito ou dez ‘guardias civis’ aguardavam na saída da AP-9 o veículo em que @s activistas da Causa Galiza se deslocavam para as suas localidades de origem. O ponto de espera era, exactamente, a fim da autoestrada à altura de Caldas de Reis, é dizer, o sítio previsto para tomar as estradas para as suas comarcas. A retençom durou, aproximadamente, umha hora. Registo a fundo Um último dado indicativo do carácter selectivo da acçom policial é que o veículo recebeu o alto no meio de muitos outros no momento em que foi avistado polos agentes. Apontar também que a identificaçom das pessoas e o registo do carro fôrom intensivos: solicitude de documentaçom a tod@s @s viageir@s, prova de alcolémia ao condutor, interrogatório, registo do maleteiro e o interior, revisom de sacas, mochilas e aspectos técnicos do veículo, etc., sempre, supostamente, à procura de substáncias psicoactivas ilegais e/ou infracçons de carácter mecánico. O encontro por parte dos números da ‘Guardia Civil’ dumha bandeira da Pátria nos efectivos individuais dumha das pessoas retidas foi motivo de intensificaçom do seu interrogatório. Temos que dizer que nom é a primeira ocasiom em que o instituto castrense espanhol acossa o activismo nacionalista nas comarcas de Taveirós e Terra de Caldas: de facto, desde o repontar da actividade sócio-cultural e reivindicativa que se vive nos últimos tempos, a ‘Guardia Civil’ potencializou a sua actividade de acossa e pressom. Estratégia de amedrentamento e respostas individuais possíveis A recorrência com que se produzem este tipo de práticas evidencia que dezenas ou centos de pessoas som colocadas sob suspeita exclusivamente pola sua ideologia e militáncia, é dizer, aplica-se um apartheid. De Ceivar entendemos que esta metodologia de controlo policial nom tem como objectivo prioritário o registo em si próprio, mas a transmissom dumha sensaçom de controlo absoluto e de impunidade sobre as pessoas, a imposiçom de sançons económicas por qualquer razom que transmitam a relaçom entre compromisso e efeitos repressivos e a tentativa de atemorizar e paralisar àquelas pessoas que participam ou se iniciam em dinámicas soberanistas. Perante esta realidade, do nosso organismo chamamos todas as pessoas relacionadas em qualquer nível com o Movimento de Libertaçom Nacional Galego a que este tipo de actuaçons policiais se ponham no nosso conhecimento como umha das fórmulas possíveis para socializá-las e, em caso de necessidade, proceder à sua denúncia jurídica. O silêncio apenas é garantia para umha maior impunidade. Exortamos, por último, à militáncia a ter em regra a documentaçom dos veículos para reduzir as margens de actuaçom policial e a exigir os direitos legais que nos correspondem neste tipo de situaçons. FORA AS FORÇAS DE OCUPAÇOM! LIBERDADES DEMOCRÁTICAS PLENAS PARA TOD@S! STOP À ACOSSA POLICIAL CONTRA O INDEPENDENTISMO!