Finalmente contra as oito do serao os quatro independentistas detidos após a mobilizaçom da entidade autodeterminista Causa Galiza em Vigo foram postos em liberdade. Os detidos, militantes de NÓS-Unidade Popular, estám acusados de “injúrias à coroa” pola sua suposta participaçom na queima dum boneco de madeira que figurava El-Rei, Juán Carlos I de Burbom. A PRESOM POPULAR FOI FUNDAMENTAL PARA CONSEGUIR A LIBERDADE DOS DETIDOS. Conhecida a notícia nos circulos independentistas da cidade e no jantar de confraternizaçom que estava a decorrer no Centro Social Faísca foi convocada umha concentraçom popular para as seis da tarde diante da esquadra da polícia espanhola de lopez mora. Por volta dum cento de pessoas somaram-se com umha faixa na que se lia Liberdade detidos. Stop repressom. aos berros de liberdade dumha vintena de militantes da própria organizaçom à que pertencem os detidos que se foram concentrando antes das cinco da tarde diante da esquadra da polícia espanhola. Embora num primeiro momento fora atacada com umha carga dos antidistúrbios na que resultaram contusionadas várias pessoas a concentraçom e a pressom popular foram crescendo e remataram por serem fundamentais para conseguir a liberdade dos detidos este mesmo serao. De Ceivar mostramos o nosso mais firme apoio e solidariedade aos companheiros detidos e denunciamos mais umha vez a repressom contra os sectores populares que rejeitam o quadro jurídico-político imposto e apostam polo exercício dos direitos democráticos que nos pertencem como naçom. CONTRA A REPRESSOM ESPANHOLA, SOLIDARIEDADE!! FORA A CONSTITUIÇOM ESPANHOLA, AS SUAS FORÇAS DE OCUPAÇOM E OSEU REI!! AVANTE POLA AUTODETERMINAÇOM!! AVANTE POLA REPÚBLICA GALEGA!!